Nesta sección facilitamos as instrucións do proceso a seguir para a reserva de praza e posterior matriculación dos nenos e nenas que desexen asistir a esta escola infantil para o curso que comeza en setembro do ano 2020 (nenos/as nados a partir do 1 de xaneiro de 2018.)
Listado provisional de admitidos
O listado atoparase neste apartado unha vez rematada a baremación.
Listado provisional 2020 (Cando esté dispoñible)
Listado definitivo de admitidos
Despois do prazo establecido, publicarase neste apartado o listado definitivo 2020 (Cando esté dispoñible)
Prazos
Do 1 ó 20 de marzo:
Para os alumnos/as que están matriculados/as no curso actual na escola e desexen continuar na mesma, para o cal deberán presentar a seguinte documentación no Concello:
- Folla de solicitude de reserva de praza selada no rexistro de entrada do Concello, descarga o documento (PDF, 94KB).
- Relación do núcleo de convivencia do Concello onde resida a unidade familiar.
- Declaracións da renda correspondentes ó ano 2018, de ser o caso, de todos os membros da unidade familiar. No seu defecto certificado emitido pola delegación de Hacienda que avale a súa non presentación.
- Certificados laborais actuais dos pais, de ser o caso, onde se especifique o horario laboral.
Unha vez comprobada a realización deste trámite, estes alumnos/as terán garantido o acceso ó novo curso, sempre e cando formalicen o pago da correspondente matrícula, previa comunicación do Concello.
Do 1 ó 22 de abril: (PENDENTE DE CONFIRMAR PARA O CURSO 2020/2021).
A documentación definitiva solicitada polo Concello será a adaptada anualmente á publicada pola Xunta de Galicia no proceso de axudicación de prazas para Escalas lnfantís, aínda sen publicar para o vindeiro curso).
A modo informativo para o derradeiro curso foi a seguinte:
( Para todos os/as nenos/as que soliciten praza por primeira vez na escola infantil, ou ben durante o mesmo
- Solicitude de novo ingreso, descarga o documento Solicitude (PDF, 1702KB).
- Anexo, da Xunta de Galicia, (dispoñible na solicitude) no caso de optar á axuda do programa Bono Concilia.
- Anexo, da Xunta de Galicia, (dispoñible na solicitude) no caso de optar a unha praza concertada nunha escola infantil de titularidade privada adscrita a este programa.
- DNI ou NIE en vigor dos proxenitores.
- Copia do libro de familia ou, no seu defecto, outro documento que acredite oficialmente a situación familiar.
- Certificado de discapacidade ou do grao de dependencia do neno/a para quen se solicita praza ou de calquera membro da unidade familiar, no seu cas.
- Informe sobre a necesidade de integración na escola infantil acreditada por un equipo de valoración e orientación da Consellería de Política Social, no caso dos nenos e das nenas con necesidades específicas de apoio educativo.
- Copia da resolución administrativa de acollemento ou de garda con fins adoptivos.
- Xustificación de ocupación da nai/pai, titor/a legal ou acolledor/a actualizada no caso de persoas traballadoras. (Vida Laboral, certificado de empresa con especificación do horario laboral).
- Se procede, outros documentos en que consten incidencias familiares, económicas e sociais puntuables no baremo: certificado de discapacidade ou do grao de dependencia da nai/pai, acolledor/a, titor/a legal, ou outros membros da unidade familiar, certificado de convivencia e sentenza de separación ou divorcio, convenio regulador ou resolución de medidas paterno-filiais ou certificado administrativo de monoparentalidade, copia do título de familia numerosa.
- Acreditación da condición de muller vítima de violencia de xénero: certificación da orde de protección ou da medida cautelar, ou testemuño ou copia autenticada pola secretaria ou secretario xudicial da propia orde de protección ou da medida cautelar; Sentenza de calquera orde xurisdicional que declare que a muller sufriu violencia; certificación e/ou informe dos servizos sociais e/ou sanitarios da Administración pública autonómica ou local; certificación dos servizos de acollida da Administración pública autonómica ou local; Informe do Ministerio Fiscal ou da Inspección de Traballo e Seguridade Social.
- Certificado de empadroamento da unidade familiar actualizado expedido polo Concello correspondente.
- Copia Declaración do imposto da renda das persoas físicas (IRPF) de ambos proxenitores, correspondente ao ano 2017.
Segundo a Resolución de 8 de marzo de 2019 da Axencia Galega de Servizos Sociais da Xunta de Galicia, ase mesmo, poderase optar a:
- Opción de participación no programa do servizo de educación infantil para nenos e nenas de 0 a 3 anos en escolas infantís de titularidade privada.
As persoas que non obteñan praza pública poderán optar a unha praza nalgunha das escolas infantís adscritas ao programa do servizo de educación infantil para nenos e nenas de 0 a 3 anos en escolas infantís 0-3 de titularidade privada. Para estes efectos, deberán cubrir a epígrafe correspondente da solicitude no anexo I e, ademais, presentar o anexo IV da Xunta de Galicia que se achega coa mesma, debidamente cuberto, no cal se seleccionarán un máximo de tres escolas infantís privadas con prazas deste servizo.
A relación de escolas adscritas a este programa poderá consultarse no anexo VIII da antedita resolución, a cal se publicará na páxina web: https://politicasocial.xunta.gal.
- Opción de participación no programa Bono Concilia.
As persoas que non obteñan praza pública poderán optar, nas condicións que estableza a correspondente convocatoria, ao Bono Concilia da Consellería de Política Social, que consiste nunha axuda económica mensual para contribuír ao pagamento do importe da praza nunha escola infantil 0-3 non sostida con fondos públicos. Para estes efectos, deberase cubrir a epígrafe correspondente no anexo I desta solicitude e, ademais, presentar a seguinte documentación:
-
- Declaración de non percibir outras axudas para o mesmo concepto, ou de percibilas, coa indicación da súa contía (anexo III).
- Declaración responsable de estar ao día nas obrigas tributarias e coa Comunidade Autónoma, non ter débedas por resolución de procedencia de reintegro e de estar ao día coa Seguridade Social (anexo III).
Lugar de presentación:
- As solicitudes de novo ingreso coa documentación requirida presentaranse preferiblemente na sede electrónica deste Concello https://sancibrao.sedelectronica.es iniciando un trámite con Instancia Xeral e engadindo como documentación adicional a solicitude e documentación a presentar.
- Tamén poderán presentarse en soporte papel nas oficinas do Concello ou en calquera dos lugares e rexistros establecidos nos artigos 14.1 e 16.4 da Lei 39/2015, do 1 de outubro.
Durante o mes de maio:
Faranse públicas as listas provisionais de admitidos/as, excluídos/as e a lista de espera para o curso 2020/2021 no taboleiro de anuncios da oficina virtual, no taboleiro de novas do Concello e nas oficinas da escola infantil, e unha vez transcorrido o prazo establecido no artigo 21º do regulamento de réxime interior, elevarase a dita lista a definitiva, e publicarase durante o mesmo mes.
Durante o mes de xuño:
Os nenos/as que figuren como admitidos/as na lista definitiva terán que facer efectivo o ingreso da matrícula na conta bancaria que se lles facilitará ó efecto, e de non facelo, decaerá o dereito á praza.
Matricula:
Para formalizar a matrícula, as persoas que obteñan praza disporán de 15 días naturais, contados dende o día seguinte ao da comunicación da resolución de adxudicación, e achegar ao seu expediente xustificación bancaria de haber realizado o pago da mesma.
Segundo a Resolución de 8 de marzo de 2019 da Axencia Galega de Servizos Sociais da Xunta de Galicia, o cumprimento do calendario de vacinación infantil do Programa galego de vacinación así como a formalización da matrícula no prazo sinalado son imprescindibles para confirmar a praza, en caso contrario a persoa interesada decaerá da súa solicitude.
Para resolución de dúbidas
Na Escola infantil no número 988 384958, ou directamente a coordinadora da Escola infantil Susana Doval no número 608 931615.