O Concello de San Cibrao das Viñas convoca a cuarta edición do Concurso de Decoración de Vivendas e Fachadas de Samaín, baixo o lema: “Se non dá medo, non vale”
O obxectivo do certame é fomentar a participación e a implicación da veciñanza coa festividade de Samaín, premiando a creatividade, a orixinalidade e o espírito festivo. Preténdese que balcóns, ventás, portas, xardíns e fachadas que dean á vía pública se transformen nun escenario arrepiante para que o espírito do Samaín tome vida en cada recuncho do municipio.
👻 Quen pode participar?
Todas as persoas empadroadas e maiores de idade no concello de San Cibrao das Viñas. A montaxe debe realizarse no domicilio da persoa participante (fachada, balcón, ventá, porta ou xardín) e ser visible desde a vía pública.
Aviso: O Concello poderá utilizar as fotografías e vídeos presentados para publicacións en diversos formatos.
📸 Como participar?
Cada concursante deberá enviar dúas fotografías ou/e un vídeo (de duración máxima dun minuto) da decoración ao correo electrónico: cultura@sancibrao.es.
Xunto co material audiovisual, débense incluír os seguintes datos:
-
Título da decoración (a montaxe debe estar en San Cibrao das Viñas)
-
Nome e apelidos da persoa participante
-
Número de teléfono de contacto
-
Lugar de residencia actual
-
D.N.I. (fotografía ou fotocopia)
-
Declaración/comprobación de estar empadroado/a e ser maior de idade
📅 Prazo de admisión: ata o mércores día 05 de novembro de 2026 ás 23:59h.
📞 Para calquera dúbida en relación ás bases, pódese chamar ao teléfono 988 381 034.
⚖️ Avaliación e xurado
O xurado estará presidido pola Alcaldesa (ou persoa que a substitúa) e contará coa participación da Concelleira da Área de Cultura e da Área de Muller, dous membros da comisión organizadora e unha persoa designada entre as Asociacións de Veciños do Concello.
Criterios de valoración (ata 100 puntos):
-
Grao de terror: 25% (25 puntos)
-
Orixinalidade e creatividade: 25% (25 puntos)
-
Iluminación e efectos de son: 25% (25 puntos)
-
Emprego de material reciclado: 25% (25 puntos)
En caso de empate, procederase a unha segunda puntuación. O fallo do xurado realizarase o 20 de novembro de 2026 e farase público sobre as 20:00 horas do día seguinte.
🏆 Premios
O concurso concederá seis premios en metálico:
-
1º premio: 200 €
-
2º premio: 175 €
-
3º premio: 150 €
-
4º premio: 125 €
-
5º premio: 100 €
-
6º premio: 75 €
Anímate a participar e fai que o espírito do Samaín tome vida na túa rúa! 👁️✨
Bases do concurso:
BASES-IV-CONCURSO-DE-DECORACION-DE-FACHADAS-DE-SAMAIN-CON-VISION-DESDE-LA-VIA-PUBLICA-INICIAL-2.pdf