O Concello de San Cibrao das Viñas convoca a terceira edición do Concurso de Decoración de Fachadas de Samaín, baixo o lema:
“Este Samaín: O meu pobo dá medo”
O obxectivo do certame é fomentar a creatividade e a participación cidadá, enchendo o municipio dun ambiente terrorífico e divertido propio do Samaín. Preténdese que balcóns, ventás, portas, xardíns e fachadas que dean á vía pública se transformen en escenarios arrepiantes, grazas á imaxinación e ao espírito colaborativo da veciñanza.
🎃 Quen pode participar? 🎃
Todas as persoas empadroadas en San Cibrao das Viñas. A decoración debe realizarse na vivenda propia (fachada, balcón, ventá, porta ou xardín) e sempre visible desde a rúa.
Aviso: O Concello poderá empregar as imaxes e vídeos enviados para difusión en diferentes formatos.
🎃 Como inscribirse 🎃
Cada participante deberá enviar:
-
Dúas fotografías ou/e un vídeo (máx. 1 minuto).
Todas as fotografías das decoracións que se envíen deben conter:
-
Título (a casa, balcón, ventá, fachada debe estar en San Cibrao das Viñas)
-
Nome e apelidos da persoa que a envía
-
Número de teléfono de contacto
-
Lugar de residencia actual
-
D.N.I (fotografía ou fotocopia)
-
Estar empadroado e ser maior de idade
O envío farase ao correo: cultura@sancibrao.es
Prazo: ata o 5 de novembro de 2025 ás 23:59 h
Para dúbidas, pódese chamar ao teléfono 988 381 034.
🎃 Avaliación e xurado 🎃
O xurado estará composto por representantes do Concello e das asociacións veciñais.
Criterios de valoración:
-
Grau de terror: 25%
-
Orixinalidade e creatividade: 25%
-
Coidado e detalle na decoración: 25%
-
Emprego de material reciclado: 25%
En caso de empate, haberá unha segunda votación.
O fallo do xurado realizarase o 18 de novembro de 2025 e farase público sobre as 20:00 horas do día seguinte.
🎃 Premios 🎃
O concurso repartirá seis premios en metálico:
1º premio: 200 €
2º premio: 175 €
3º premio: 150 €
4º premio: 125 €
5º premio: 100 €
6º premio: 75 €
Este Samaín, San Cibrao das Viñas quere converterse nun auténtico pobo do medo.
Anímate a participar e enche as nosas rúas de misterio e moito terror! 🎃
BASES DO CONCURSO:
BASES III CONCURSO DE DECORACIÓN DE FACHADAS DE SAMAIN CON VISIÓN DESDE LA VÍA PÚBLICA INICIAL (1)