O Concello de San Cibrao das Viñas organiza o II Concurso: Unha muller, un traballo igualitario, coa finalidade de conmemorar o Día Internacional da Muller que se celebra o día 8 de marzo.
Participantes
Poderán presentarse todos os nenos/as empadroados/as no Concello con idades entre 3 e 18 anos.
Temática
O tema do “II concurso Unha muller, un traballo igualitario”, será a expresión por medio dun debuxo da loita da muller polos seus dereitos, pola súa participación, en igualdade co home, na sociedade e no seu desenvolvemento íntegro como persoa.
Categorías de participación
Modalidade: Debuxo
- Categoría 1ª: Educación Infantil
- Categoría 2ª: Educación Primaria e Educación Especial
- Categoría 3ª: ESO, Bacharelato e FP de Grao Medio
Como participar
Os debuxos realizaranse a cor ou en branco e negro e en tamaño DIN-A4 ou DIN-A3.
Pódense usar todo tipo de técnicas de forma separada ou mesturada (rotulador, pintura, acuarelas, lapis de cores…).
A participación será de carácter individual e só se admitirá un debuxo por participante.
Os debuxos serán presentados nas oficinas municipais en horario de 8:30 – 14:00 horas ou ben por correo postal xunto coa folla de inscrición debidamente cumprimentada.
Os debuxos presentados deben de ser orixinais, inéditos e de autoría propia da persoa que os presente.
Non se aceptarán debuxos que foran publicadas ou exhibidas anteriormente.
É imprescindible enviar a folla de inscrición debidamente cumprimentada polos pais ou titores.
Prazo de admisión
O prazo finaliza o xoves 27 de febreiro de 2025 ás 23:59h.
Premios
Concederanse os seguintes premios, por un importe máximo de 1.000,00 euros:
- Categoría 1ª:
- 1º Premio – Vale por importe de 50 €
- 2º Premio – Vale por importe de 25 €
- Categoría 2ª:
- 1º Premio – Tablet
- 2º Premio – Vale por importe de 50 €
- Categoría 3ª:
- 1º Premio – Tablet
- 2º Premio – Auriculares sen fíos
Animádevos a participar!
