O Concello de San Cibrao das Viñas abre o prazo de inscrición para a Escola Municipal de Teatro 2026/2027, unha actividade gratuíta, dirixida a persoas empadroadas no municipio e pensada para que nenos, mozos e adultos poidan descubrir e desfrutar da arte teatral.
A través do teatro, as persoas participantes desenvolverán a súa creatividade, a expresión corporal e oral, a confianza e o traballo en equipo, nun ambiente dinámico e participativo.
? Prazo de inscrición
Do 10 ao 26 de agosto de 2026.
? Grupos e horarios
As clases impartiranse os martes e xoves, distribuídas en tres grupos:
- Infantil (a partir de 8 anos): 17:30h – 19:00h
- Xuvenil: 19:00h – 20:30h
- Adultos: 20:30h – 22:00h
Unha actividade para todas as idades
A Escola Municipal de Teatro ofrece unha oportunidade única para aprender interpretación, mellorar a comunicación, potenciar a creatividade e compartir experiencias con outras persoas a través das artes escénicas.
Se estás empadroado/a en San Cibrao das Viñas e queres iniciarte no mundo do teatro ou seguir desenvolvendo a túa paixón pola interpretación, anímate a participar!