PRAZO DE RESERVA DE PRAZA PARA ALUMNADO MATRICULADO NA ESCOLA INFANTIL MUNICIPAL
Comunícase que desde o día 1 ao 20 de marzo, está aberto o prazo para formalizar a reserva de praza para o curso 2025/2026.
Todos os nenos e nenas que actualmente están matriculados na Escola Infantil Municipal e desexen continuar no novo curso deberán formalizar a reserva de praza dentro do prazo establecido.
Documentación necesaria
Na sede electrónica do Concello
Para completar a solicitude, será imprescindible achegar, xunto co formulario de reserva de praza (dispoñible nas oficinas municipais, na propia Escola Infantil ou na sede electrónica do Concello), a seguinte documentación:
- Relación do núcleo de convivencia: Certificado de convivencia emitido polo concello onde resida a unidade familiar.
- Declaracións da renda: Copia das declaracións da renda correspondentes ao ano 2023 de todos os membros da unidade familiar ou, no seu defecto, certificado negativo de non ter presentada a dita declaración.
Unha vez comprobada a correcta realización deste trámite, os alumnos e alumnas terán garantido o acceso ao novo curso.
Para máis información, poden dirixirse ás oficinas municipais ou á Escola Infantil.