IX Andaina popular rutas de sendeirismo

PortadaTrip2015Terá lugar o vindeiro domingo 20 de setembro de 2015 con saída ás 9:30 horas.

Percorrido

Vaise realizar sobre dous tramos circulares de 11,3 quilómetros e 10,2 quilómetros con punto central na Boutureira, podendo realizar un ou ambos tramos dependendo do nivel do participante.

Todo o percorrido estará sinalizado, sendo obrigatorio o paso polos controis establecidos pola organización. O participante que se retire deberá avisar no control máis próximo. O perfil da proba pode considerarse de dificultade media.

Avituallamentos líquidos nos quilómetros 8,2 e 13,2 e 16,6.

Punto de partida

Estará situado na área recreativa da Boutureira. Chégase desde Ourense a través da estrada OU-0517, en dirección Ourense - San Cibrao das Viñas - Vilanova - Soutopoenedo - A Merca... No quilómetro 6,5, nada máis pasar o campo de fútbol e as piscinas, estará sinalizada a entrada cara á Boutureira.

Localización GPS da entrada á Boutureira en WGS84 para empregar nos GPSs de uso corrente: 42º15'58"N, 7º53'01"W

Tramo A

A Boutureira - Montelongo de Arriba - Penedo - A Torre - A Boutureira.
Distancia: 11,3 quilómetros.

Tramo B

A Boutureira - Vilanova - Outeiro Calvo - O Pontón - Bentraces - A Boutureira.
Distancia: 10,2 quilómetros.

Inscrición na Andaina

A Inscrición terá o prezo de 6 € e dará dereito a un agasallo conmemorativo, avituallamento, bocadillo e bebida. Tamén será opcional unha ración de polbo, pan e viño con ticket de reserva de 7 €, antes do día 16 de setembro, e poderá realizarse dos seguintes xeitos:

A. Nas tendas de deportes:

Armería O Vinteún (988 373 766), Intersport Bouso (988 226 592), Sequesport (988 617 707), K2 Ourense (988 045 073).
Co boletín de inscrición que se atopa no triptico, ou con este boletín de inscrición cuberto e pagado, recollerase o dorsal e o ticket do polbo.

B. Directamente no Concello de San Cibrao das Viñas

O teléfono do Concello é o 988 381 034, e para a inscrición debe facerse do seguinte xeito:

  1. Realizar o ingreso do importe da inscrición (6€), e opcionalmente o importe do tícket do polbo (7€), na conta ES51 0081 2172 27 0001004411 do Banco de Sabadell, ou na conta ES28 2080 0476 16 3110000041 de Abanca, ata o día 16 de setembro inclusive. No concepto do ingreso terá que aparecer: ANDAINA e o NOME da persoa inscrita.
  2. Cumprimentar o seguinte boletín de inscrición , e entregalo no Concello en horario de 8:30 a 14:00 e de Luns a Venres xunto co resgardo do ingreso, para recoller o dorsal e o ticket do polpo.

C. Por Fax

Para facer a inscrición por Fax é necesario seguir os seguintes pasos:

  1. Realizar o ingreso do importe da inscrición (6€), e opcionalmente o importe do tícket do polbo (7€), na conta ES51 0081 2172 27 0001004411 do Banco de Sabadell, ou na conta ES28 2080 0476 16 3110000041 de Abanca, ata o día 16 de setembro inclusive.
    No concepto do ingreso terá que aparecer: ANDAINA e o NOME da persoa inscrita.
  2. Cumprimentar o seguinte boletín de inscrición, e remitilo ó Concello xunto co resgardo do ingreso por fax ó 988 381 101.
  3. Esperar a confirmación da reserva por parte do Concello, co número de dorsal, por correo electrónico, por Fax ou por teléfono.
  4. Recoller o dorsal calquera día de luns a venres e de 8:30 a 14:00 nos días previos a Andaina, na Casa do Concello, ou o día 20 de setembro no punto de saída, media hora antes do inicio da andaina.

Nota: Non se realizará a devolución dos importes no caso de non recoller o dorsal ou o tícket do polbo.

Recollida de dorsais

As tendas de deportes subministrarán dorsais ata o día 16 de setembro e ata un máximo de 300 participantes.

No Concello de San Cibrao das Viñas poderán retirarse ata o día 16 de setembro.

Se quedasen dorsais libres, poderán recollerse na Boutureira o día 20, ás 9:00 horas, antes do comezo da proba e ata chegar ó tope de 300 participantes.

Non se permitirá participar a ningunha persoa sen dorsal.

Responsabilidades

A organización declina toda responsabilidade en caso de accidente ou neglixencia. Os participantes exoneran á organización de toda responsabilidade no caso de accidente ou lesión.

Premios

Tódolos participantes que acaben un tramo da proba terán dereito a un agasallo conmemorativo. Haberá premio para o Clube con máis participantes. Haberá sorteo de agasallos entre tódolos participantes.