Ruta A Un paseo por la Boutureira

6.2 Km
1h. 40'
Difícil?
Nombre:
Ruta A
Recorrido:
Circular
Salida/Llegada:
Cruceiro da Boutureira
Altitud máxima:
379 metros
Altitud mínima:
215 metros
Recomendaciones:
  • Pode facerse con nenos e nenas.
  • Calquera época do ano.
Descargas:
Ruta KML Ruta GPX
Documentos:
Folleto das rutas
(PDF, 4 MB)

A Boutureira é un espazo natural de 184 ha. declarado de interese local. O río Barbadás dálle humidade e frescor –ao tempo que pon en funcionamento os muíños da súa beira– e xunto cun variado arboredo conforman a paisaxe típica da zona.

Comezamos na marxe leste do río, a carón do muíño. Iremos ao camiño e botaremos a andar cara a dereita. A ruta discurre en sentido contrario das agullas do reloxio.

Recomendámos preparar a andaina cos datos desta páxina. Se xa estás no lugar preme no botón "Segue a ruta no teu móbil" para ter a información paso a paso.

Ruta-A-curvas-nivel

Puntos de interés

Ver galería da ruta

1. Saída: Muíño de auga da Boutureira

Este muíño de corpo cuadrangular e paredes de cachotería foi construído no ano 1889 e restaurado en 2006 polo Concello de San Cibrao. 

Na zona baixa, dentro do arco, está o chamado "inferno", lugar no que podemos apreciar os rodicios, pezas que transmiten a forza da auga cara a parte superior, onde está a moa.

Os muíños foron esenciais na vida rural. Neles establecíanse variadas relacións sociais que deixaron a súa pegada en múltiples manifestacións da cultura. Pénsese nas muiñadas, nas festas nocturnas no muíño ou mesmo nas muiñeiras –composicións musicas e danzas–.

0 Km
0'
Ver galería da ruta

2. Aldea de Outeiro Calvo

Unha fermosa aldea tradicional que ben merece apartarse un chisco da ruta e facer un visita.

1.92 Km
32'
Ver galería da ruta

3. Capela de San Roque

Pequena capela de estilo neoclásico, de mediados do século XII, dunha soa nave, cuberta a dúas augas. É ben reparar na espadana decorada con pequenos pináculos de bola inspirados, probablemente no barroco rural arraigado na zona.

É unha ermida adicada a un dos santos máis populares e máis queridos do país. Os veciños teimaron sempre por mellorala, mesmo picaron as paredes de cemento, descubrindo así a pedra que hoxe a recubre. En 1997 a veciñanza xuntou  cartos para reparar o teito e eliminar humidades. Tamén restauraron o altar e a talla do santo.

4.56 Km
1h. 14'
Ver galería da ruta

4. Chegada: A Boutureira

E chegamos de novo ao punto de saída. Agardamos que gozarades da andaina.

Lembramos a responsabilidade que debemos ter respecto á contorna e os seres vivos. Se queres levar algo, que sexan recordos nunha cámara. Tamén que debemos ter a responsabilidade de deixar a natureza como está, que non queden pegadas do noso paso.

6.2 Km
1h. 40'