O Concello de San Cibrao das Viñas abre o prazo para a presentación de solicitudes das axudas destinadas á compra de libros e material escolar para alumnos e alumnas que cursen segundo ciclo de Educación Infantil.
A contía máxima da axuda establécese en 145€.
Requisitos para acceder á axuda
As persoas solicitantes deberán cumprir as seguintes condicións:
-
O solicitante (pai, nai ou titor legal) debe estar empadroado en San Cibrao das Viñas cunha antigüidade mínima dun ano na data da convocatoria.
-
Presentar a solicitude e a documentación requirida en prazo.
-
Os ingresos netos anuais por membro familiar non poderán superar os 7.200€.
-
Estar ao corrente das obrigas tributarias coa AEAT, ATRIGA, Seguridade Social e co propio Concello.
Documentación necesaria
Xunto coa solicitude, deberá achegarse:
-
Factura orixinal detallada da compra de libros e material escolar e titular da mesma, pai/nai ou titor do solicitante.
-
Certificado do centro escolar indicando o curso no que está matriculado o alumno/a.
-
Certificación de estar ao corrente de pagos coa AEAT, ATRIGA e Seguridade Social.
-
Copia do DNI/NIE vixente do solicitante e do Libro de familia ou outra documentación xustificativa da situación familiar, de ser o caso.
-
Certificado de titularidade da conta bancaria do solicitante.
-
No caso de separación ou divorcio: copia da sentenza ou convenio regulador.
-
Certificado de acollemento familiar ou resolución xudicial, se procede.
-
Xustificación de ingresos da unidade familiar: copia da declaración da renda 2024 ou certificado de imputacións no caso de non estar obrigado/a a presentala.
Lugar e prazo de presentación
As solicitudes poderán presentarse:
-
Preferentemente, a través da sede electrónica: no formulario normalizado dispoñible.
-
De forma presencial no Concello.
📅 Prazo: do 1 ao 30 de setembro de 2025.