O actual Polígono Barreiros é froito da iniciativa privada e da necesidade que tiveron as primeiras empresas de buscar terreos fose do área industrial de San Cibrao, un feito que marcou a particular fisonomía do Polígono, levantado no seu maior parte ao longo da estrada N-525.

En 1975 instalábase neses terreos a primeira empresa, “Louzán e Bertolez S.L.”, dedicada á automoción, aínda que habería que esperar ata 1997 para que a zona fose recoñecida, a efectos legais, como Polígono.

Tres décadas despois, Barreiros conta con máis de 100 empresas que dan emprego directo a máis dun milleiro de traballadores.

A proximidade coa cidade de Ourense e a boa conexión coa A-52 (Vigo-Madrid), converten ao Polígono Barreiros nun área empresarial moi interesante para situarse como empresa.

Asociación de Empresarios do Polígono Barreiros

A historia do Polígono Barreiros é unha historia forxada a base de espírito pionero e superación constante de dificultades, co único propósito de crear un área en Ourense onde os empresarios poidan dispoñer de todas as facilidades para desenvolver os seus proxectos, xerando centros de emprego e riqueza para a provincia.

Para máis información: http://www.poligonobarreiros.com/